Градоначалникот на Ранковце Момчило Алексовски е еден од многуте примери на градоначалници од СДСМ кој на секаков можен начин вршат груба партизација на општините, реагира ВМРО-ДПМНЕ на прес-конференцијата на Алексовски, кој обвини дека директорката на ранковското ОУ „Христијан Тодоровски-Карпош“ не дозволува примопредавање на должноста.
– Тој по стапувањето на функцијата градоначалник на општината почна со својата пракса да вработува партиски луѓе во општината. Со цел да се ослободи место за што повеќе вработувања и да се направи целосна партизација во општината, тој на незаконски начин и врачи отказ и ја избрка од своето работно место г-ѓа Слаѓана Николовска. Обидувајќи се да го сокрие грубиот начин на партизација и вработување на што повеќе членови од редовите на СДСМ во Општина Ранковце, Момчило Алексовски само го потврдува начинот според кој се вработуваат луѓе од редовите на СДСМ, соопшти ВМРО-ДПМНЕ.
Владејачката партија го повика градоначалникот на СДСМ да ги остави институциите да си ја вршат својата работа и тие да одлучат дали и какви мерки треба да се преземат.