Сашо Трпески, советник во општина Центар, денеска обвини дека градоначалникот Андреј Жерновски сака да изгради спортска сала во Градскиот парк без да направи измена на Деталниот урбанистички план, на простор кој е сопственост на приватна фирма.
Трпески изјави дека согласно постоечкиот ДУП на просторот каде Жерновски сака да ја изгради спортската сала предвидена е изградба на катна гаража.
– Ова е само уште едно непознавање на процедурите и законите кое го манифестира Жерновски, а целата нетранспарентност во која се води проектот остава сомнеж за можна злоупотреба, рече Трпески.
Тој додаде дека градоначалникот на Центар во изминатите четири години не реализирал низа проекти што им ги ветил на граѓаните.