ВМРО-ДПМНЕ и коалицијата „За подобра Македонија“ вечерва го промовираше кандидатот за градоначалник за Општин Бутел, Петре Латиновски.
Коце Трајановски, градоначалник на Скопје и кандидат за уште еден мандат најавувајќи го Латиновски рече дека делата и нивната работа говорат за нив. Ја повика уште еднаш опозицијата да понуди програма и да излезе на избори па таму да каже што направиле и што ќе направат за Бутел.
– Јас Скопје одлично го познавам, секојдневно живеам со неговите проблеми. Мене ми дадовте доверба да бидам градоначалник на Скопје, а на Латиновски да биде градоначалник на Бутел. Тоа е чест, но и голема одговорност да се решат проблемите кои со години се натрупувале, рече Трајановски.
Плод на таа посветеност се 500 реализирани проекти во Скопје, со помош на Бутел и Латиновски. Проектите кои беа реализирани го сменија ликот на Скопје, но и на Бутел како општина.
Во изминатите четири години Латиновски успеа да ги реазлизира проектите за целосно реконструирање на улицата „Радишанска“, за нова модерна кружна крстосница, уште еден кружен тек, реконструирани се и други улици, изграден резервоар за Кучевичка бара и бел камен со што целосно ќе биде решен проблемот со водоснабдување, изградена е атмосферска канализација…
Трајановски во својот говор посака Јохан Тарчуловски наскоро да биде во Македонија, со своите сограѓани од Бутел.