Коалицијата „За подобра Македонија“, предводена од ВМРО-ДПМНЕ, на митинг во Нов Дојран го претстави кандидатот за градоначалник на Дојран Борче Стамов, и советничката листа за општината.
Стамов истакна дека Дојран веќе не е заборавено место, зашто ВМРО-ДПМНЕ во два наврата успеала да го врати животот на тамошните граѓани.
– Првиот пат со изградбата на хидросистемот за спас на Дојранското Езеро, што од оваа временска дистанца можеме вистински да ја потврдиме неговата импозантност и важност за нашиот крај. Вториот пат со директната поддршка на локалната самоуправа предводена од ВМРО-ДПМНЕ во исполнувањето на нејзината зацртана програма за збогатување на туризмот и туристичките содржини во Дојран, рече кандидатот за градоначалник Стамов.
