Владејачката ВМРО-ДПМНЕ испрати соопштение во кое порача дека го осудува инцидентот „во кој беше демолиран објектот Дамар и беа нападнати недолжни граѓани“ во старата Скопска чаршија.
„ВМРО-ДПМНЕ не се согласува, не поддржува и осудува секаков чин на насилство, насилнчко однесување и агресија. За нас ваквото однесување е незрело, неодговорно и срамно. ВМРО-ДПМНЕ ги повика институциите на системот во најбрз можен рок да го расветлат и виновниците да ги изведат пред лицето на правдата. Во таа насока апелираме настанот да не се злопотребува во ниту еден конктекст, со цел поефикасно да се утврди вистинската позадина и откријат сторителите на овој настан“, се вели во соопштението од владејачката партија.