ВМРО – ДПМНЕ денеска испрати честитка до граѓаните на Република Македонија, честитајчи им го државниот и христијански празник Свети Климент Охридски.
– Светиот Климент Охридски е наш, но и европски цивилизациски симбол, кој со својата просвета не заостана зад своите учители светите браќа Кирил и Методиј, туку го продолжи нивното хумано и духовно дело. Неговото дело не е само наше духовно и културно богатство, туку е дел од темелите на европската цивилизација и култура. Денот посветен на Свети Климент Охридски, основачот на Охридската архиепископија, основоположник на Охридската книжевна школа и творец на кирилското писмо, е ден кога се одбележува неговата рамно апостолска дејност и можност да се афирмираат заедничките христијански и цивилизациски вредности на човекољубие, вербата во Бог и надеж во подобар и попросперитен свет.
Универзалната големина на делото на Светиот Климент Охридски долг кон него, но и аманет кон идните генерации да се почитува нашата традиција и духовно наследство со кое сме го задолжиле Светот – се вели во четистиката од владејачката партија.