Економијата заради СДС тоне, висока инфлација, зголемен трговски дефицит, голем јавен долг. Македонија со СДС ја има најголемата инфлација во Европа. Инфлацијата од 20% ги јаде примањата на народот, се вели во писмената реакција од ВМРО-ДПМНЕ.
„Лага е дека има покачување на плати, тоа не е ниту порамнување. Реалноста е дека имаме пад на реалната плата. Тоа што пред две години граѓаните го купувале за 500 денари, сега не можат ниту за 1.000 денари. Лошите показатели од неработата на власта се насекаде. Трговскиот дефицит постојано се зголемува.
Јавниот долг со СДС достигна над 7.5 милијарди евра. Или за неколку години откако е власт СДС тој е зголемен за 3 милијарди, а нема никакви нови изградени проекти, ниту некој знае да каже каде заминаа тие пари. СДС немаат ниту концепт, ниту знаење како понатаму. Затоа треба предвремени избори час поскоро“, тврдат од партијата.