ВМРО-ДПМНЕ преку соопштение со закани до СДСМ, да внимаваат со изјавите, за да не добијат тужба како Тито Петковски.
„Наместо да одговорат на коректните и јасни прашања, што ВМРО-ДПМНЕ ги постави до Радмила Шекеринска, СДСМ одлучи да ја манипулира јавноста со груби лаги. За исто вакво тврдење господинот Тито Петковски доби тужба и ќе мора пред суд да ја докажува својата лага“, се вели во реакцијата на ВМРО-ДПМНЕ на соопштението од СДСМ, во кое се вели дека во 2008 година премиерот Никола Груевски се согласил да се смени уставното име на државата.
„Грубите измислици и лаги како напад врз ВМРО-ДПМНЕ, не се одговор на прашањето што ние и го поставивме на Радмила Шекеринска, а тоа е: каков е тој компромис, кој Грција би го прифатила, а нема да ги загрози националните и државни интереси на Република Македонија“, стои во соопштението на ВМРО-ДПМНЕ.