ВМРО-ДПМНЕ во реакција на изјавата на Зоран Дамјановски посочи оти тој во неговиот осумгодишен мандат не ги решил проблемите на кумановчани, а на изборите оди со празни ветувања.
– ВМРО-ДПМНЕ сака да ги потсети граѓаните на Куманово дека во овие осум години, Куманово се претвори во општина која е пред банкрот, со катастрофална сообраќајна инфраструктура, со јавни претпријатија кои се пред колапс, како и со појава на многу нови диви депонии. Во Општина Куманово се плаќа највисок данок на имот од сите општини во Република Македонија и многу други ветувања за кои до ден денес нема никаква реализација, се вели во реакцијата.
Според ВМРО-ДПМНЕ, Дамјановски го довел во прашање и снабдувањето со електрична енергија во оптшината, поради огромниот долг кон ЕВН-Македонија. Посочуваат, дека и овие ветувања ќе останат празен муабет, затоа што велат, иако ветил Општина Куманово сеуште нема катна гаража, не е изградена ниту подземната сообраќајница, поради што очекуваат граѓаните „да го казнат на локалните избори за недомаќинското работење“.