„Дали лицето кое пукаше во Чаир, ослободено од Ариф Асани, е веќе осуден, а МВР една година не го приведува? Дали МВР една година избегнува да го приведе за отслужување на казна затвор лицето кое среде бел ден пукаше во Чаир?“, велат од ВМРО-ДПМНЕ.
„Дали истото лице е ослободено по асистенција на Ариф Асани, заменик директор во БЈБ, и дали тој е човекот кој оневозможува негово апсење? Со што ги задолжил пукачот од Чаир ДУИ и СДСМ, па вториот човек во БЈБ да мора да го крие и интервенира тој да биде пуштен на слобода?
Дали Ариф Асани и функционерите во МВР, наместо да ги ставаат зад решетки, работат за криминалците? МВР со Спасовски и Ковачевски е заштитник на мафијата.
МВР на Спасовски и Ковачевски не може да ја гарантира безбедноста на граѓаните. Нарушената безбедност и несигурноста која ја има во општеството и државата заради криминалната влада која штити криминалци е уште една причина за да има предвремени парламентарни избори час поскоро“, соопшти ВМРО-ДПМНЕ.