ВМРО-ДПМНЕ обвини дека фирмата ЧИК била систематски уништувана во периодот на „криминалната приватизација на Бранко Црвенковски, по истата шема како и сите останати фирми кои беа уништени во тоа време“.
Емилија Арсовска од ОК на ВМРО-ДПМНЕ од Куманово рече дека додека фирмите од соседството прераснувале во гиганти, Владата на СДСМ овде ги затворала.
„Овие 4000 семејства кои останаа без егзистенција ја носат истата тешка и мачна судбина со сите 198 000 луѓе кои останаа без работа во време на Бранко Црвенковски. Бранко Црвенковски нека не бега туку нека им одговори на некогашните вработени на ЧИК-Зошто им ја затвори фабриката, наместо монтирани средби нека ги посети овие луѓе на кои им ги загорчи животите“, праша Арсовска.