„Ѓубре и смет расфрлано насекаде, преполни контејнери, раскопани улици, хигиена на најниско можно ниво, ваква е ситуацијата во општина Центар.
Неспособноста на градоначалникот Саша Богдановиќ нема граници“, велат од ВМРО-ДПМНЕ.
„Овие слики го докажуваат она за што граѓаните реагираат со месеци до Општина Центар.
Богдановиќ ветуваше живот, воздух и чиста животна средина за сите. Ниту едно од овие ветувања не е исполнето.
Наместо тоа центарци добија нечиста, хаотична и небезбедна животна средина.
Вакви работи се недозволиви да се случуваат во денешно време во општина чиј буџет изнесува над 20 милиони евра.
Богдановиќ треба да биде свесен дека ваквата ситуација е недозволива посебно во летно време каде можноста за зарази е неколку пати поголема отколку во другите периоди.
Богдановиќ треба под итно да ги расчисти дивите депонии на територијата на општина Центар и конечно да почне да си ги исполнува своите ветувања. Ако не може да го направи тоа тогаш време е работата да ја препушти на некој друг.
Центарци не заслужуваат градоначалник како Богдановиќ“, соопштуваат од ВМРО-ДПМНЕ Центар.