„Центар е нечист и полн со ѓубре. Најдиректен виновник за оваа ситуација е градоначалникот Саша Богдановиќ. Граѓаните секојдневно се сведоци на урбаниот хаос, нечистотијата, купиштата ѓубре и дупки по улиците.
Во прилог Ви испраќаме нови слики за јавноста да види со каква катастрофална ситуација се соочува Центар. Што овој пат ќе му биде изговор на квази експертот по зеленило, дрва, трева и годишни времиња Богдановиќ.
Наместо Богдановиќ да се занимава со теории на заговор нека се фати за работа и да почне да ги остварува своите ветувања. Ѓубрето, депониите и обновата на улиците во Општина Центар нема да се средат сами од себе.
Потребно е посветеност и работа особини што Богдановиќ ги нема.
Граѓаните не го избраа дa слушаат неговите оправдувања и да си ја префрла топката со неговото партиско другарче Шилегов кој за што е надлежен.
Центарци го избраа зошто ветуваше дека ќе ги среди проблемите и конечно ќе го реши проблемот со ѓубрето, уништените паркови и урбана опрема, добитокот кој слободно шета низ Општина Центар и слично.
Жителите на Центар заслужуваат модерна и урбана општина но не заслужуваат градоначалник како Богдановиќ“, се вели во соопштението на ВМРО-ДПМНЕ Центар.