Жерновски мора да знае дека изминативе четири години, општина Центар реализира дела колку две општини во Македонија, стои во реакција на ВМРО-ДПМНЕ на изјавата на кандидатот за градоначалник на Сојузот на иднината за Центар Андреј Жерновски.
Во неа се додава дека со средства од буџетот се изградени и реконструирани 60 улици во Центар, проширени се и изградени 5 булевари, реновирани се основните училишта и детските градинки, изградена е катна гаража, а во фаза на изградба се 6 други катни гаражи, отвориени се пензионерски клубови, уредени се паркови, скверови и детски и спортски игралишта.
– Токму овие инвестиции и проектот за кој говори Жерновски беа во насока на подобрување на урбаниот изглед на општина Центар, која денес е најатрактивната општина во однос на туристичката понуда и посетеност, стои во реакциијата.