„Благодарност до Богданка и Шилегов што сами си направија рецензија на ветеното, а нереализирано. Петре Шилегов е убедливо најнеуспешниот градоначалник на Скопје. Програмата на Петре има 0% реализација, но затоа криминалот, тендерите и енормното богатење се реализирани 100%. Видно исплашени од поразот кој ги чека, СДСМ наместо да водат сопствена кампања деноноќно следат како системски и успешно работи Данела Арсовска“, соопшти ВМРО-ДПМНЕ.
„СДСМ се толку неспособни што за нив реализирани проекти се оние проекти за кои се работи студија. Скопје изгуби четири години со Шилегов.
Секоја година излегуваа на помпезни прес-конференции дека кај и да е ќе почнат со реализација на некој проект. Во нивната неспособност да го сработат ветеното кон скопјани, знаат само да рушат.
Единствена причина за ваквиот исход е тоа што градската каса, поради недомаќинското работење на Шилегов, е целосна празна и тој не е способен да издвои средства за најобична санација.
Ова не е ништо друго освен очајнички обид на СДСМ да ја спаси политичката кариера на најнеспособниот градоначалник на Скопје во историјата на Македонија“, се вели во соопштението на ВМРО-ДПМНЕ.