Нови членови на Извршниот комитет на ВМРО-ДПМНЕ се очекува да бидат избрани вечерва на седница на Централниот комитет на партијата. Членовите ги номинира претседателот на партијата, а ги избира ЦК.
Со изборот на новиот претседател на ВМРО-ДПМНЕ, Христијан Мицкоски, сè поизвесно е дека ќе бидат предложени и повеќе нови членови во раководните тела на партијата, а постарите кадри ќе се повлечат.
Како што неодамна најави Мицкоски, преку внатрешното реконструирање, промена на Статутот и формирање две нови тела – Совет на претседателот и Совет на Извршниот комитет, партијата ќе се модернизира и според него, ќе понуди нов квалитет и нова надеж на политичката сцена во Македонија.
ВМРО-ДПМНЕ треба да избере и нов генерален секретар, а не се исклучува и можноста да бидат назначени и повеќе потпретседатели на партијата.