Нивото на политичка комуникација и начинот на кој што Шилегов настапува во јавноста е срамен и недоличен. Неговите испади и неможноста да се контролира не може да се оправдаат со нервозата, личната некултура и вулгарноста, вели ВМРО-ДПМНЕ, преку соопштение.
„Згрозени од неговите настапи, бараме Петре Шилегов јавно да се извини за изнесените навреди и говор на омраза кон ВМРО-ДПМНЕ. Во
спротивно ќе бидат преземени сите законски мерки за санкционирање на неговото однесување.
Ваквиот примитивен речник со навреди и говор на омраза не е нов за Шилегов. Доколку Шилегов е нервозен за слабиот резултат на СДСМ на изборите за кој се виновни и тој и неговиот претседател Заев, тоа може да го каже на Бихаќка.
Во јавноста тој е градоначалник и треба да се однесува така. Го охрабруваме Шилегов по оставката од партиската позиција да си даде оставка и од градоначалничката функција, бидејќи Скопјани не се помалку важни од неговата партија.“, се објасну во соопштението на партијата.
