Пратеникот на ВМРО-ДПМНЕ Харалампие Шокаровски денеска на прес-конференција побара од охридскиот градоначалник Александар Петрески итно да ги отстрани рампите на паркинзите во Охрид, кои го вратил пред два дена.
– Секторот за внатрешни работи од Охрид побара да се извадат од функција рампите и апаратите на паркинзите во централното градско подрачје, но Петрески не ја испочитува таа одлука. По два дена, рампите беа вратени и повторно Охрид се соочува со попречен проток на автомобили и луѓе и тоа токму во пресрет на новогодишните празници. Дали ова е знак дека фирмите кои ги имаат под концесија паркинзите во Охрид се финансиерите на камапањата на Александар Петрески за претстојните локални избори? Дали парите на туристите и граѓаните на Охрид ќе бидат искористени за кампањата на Петрески и СДСМ?, праша Шокаровски на прес-конференцијата.