Аудио снимката од приведувањето на Стефан е доказ дека се работи за нарачка на Спасовски и Заев. Од фрапантната аудио снимка направена при апсењето на Стефан Калошев се слуша како полицискиот службеник го малтретира, тепа и пцуе велат во соопштение од ВМРО-ДПМНЕ.
-Кога полициските службеници беа прашани има ли основ за уапсењето, одговорот беше сигурно има, ова можеа да го слушнат сите од снимките кои беа емитувани во медиумите. Ова е доказ дека Заев и Спасовски ги ставиле во неблагодарна положба и полициските службеници кои морале да ги извршуваат нивните нарачки. Тоа што МВР молчи е обид за стишување на скандалот. Поднесена е претставка до Одделот за внатрешна контрола во МВР и очекуваме санкција и извинување, се вели во соопштението од опозициската партија.