„Александар Наумоски е свесен дека ќе изгуби во вториот круг, па затоа почнува да води кампања во која се користи со лаги и измислици. Токму тој е човекот кој организираше активисти на СДСМ да ги заплашуваат граѓаните и физички да се пресметуваат со кандидатите на ВМРО-ДПМНЕ.
– Истиот тој Наумоски, според фотографиите кои се појавија во медиумите, се обидува да изврши поткуп на гласачите во Ѓорче Петров.
– Александар Наумоски се обиде недостатокот од остварлива и реална програма да го покрие со неточни обвинувања. Општина Ѓорче Петров, сакал тоа да го признае Наумоски или не, во изминативе години бележи напредок во секоја сфера, и Ѓорче Петров одамна не е предградие, туку модерна општина.
Неговата ниска кампања не може да ги избрише делата кои се оставени во Ѓорче Петров. Граѓаните ги препознаваат неговите лаги и ќе го казнат во вториот круг гласање“, пишува во реакцијата на ВМРО-ДПМНЕ на изјавата на Александар Наумоски.