[staff name=”Eлена Георгиевска” position=”Автор”][/staff]ВМРО-ДПМНЕ од Куманово изјави дека вработените во ЈП „Чистота и зеленило“ штрајкуваат и не го собираат сметот, бидејќи не зеле плата, на што тие предупредувале години наназад.
– Директорот Сашо Петрушевски го нема на своето работно место да им ја објасни новонастанатата состојба на вработените. Исто така Општината нема средства да одговори на своите обврски кон ова претпријатие. Незадоволството од моменталната состојба во ЈП „Водовод“ исто е драматична. Постои јавно несогласување со политиката за неизлегување на локалните избори и со Бранко Црвенковски, кој ги држи во заложништво сите членови на СДСМ – изјави претседателот на ОК на ВМРО-ДПМНЕ, Мирослав Стојановски.
Стојановски додаде дека доколку победат на претстојните локални избори, нема да постои реваншизам кон оние кои чесно и одговорно си ја вршеле работата.
-ВМРО – ДПМНЕ е демохристијанска партија и нема намера да се одмаздува на вработените од другата политичка опција. За нас пред се, тоа се граѓани на Куманово – истакна Стојановски, кој додаде дека нивниот кандидат Зоран Ѓорѓиевски и советниците ќе покажат како се работи за интересите на градот.