Шкодран Толај, пејачот на Али Ахмети, назначен за директор на Ансамблот на песни и ора на Албанците во Северна Македонија од страна на Демократската унија за интеграција и нејзините сателити, ja доведе оваа институција на работ на пропаст. Наместо да ги реши долгогодишните проблеми, Толај дополнително го деградираше Ансамблот, изразувајќи ги своите фрустрации врз вработените и продлабочувајќи ја кризата што го зафати овој важен културен институт, велат од Влен.
„Коалицијата ВЛЕН, од првиот ден на доаѓањето на власт, покрај економскиот цунами со кој се соочи државниот буџет, презеде конкретни чекори за решавање на проблемите акумулирани со години.
Под раководство на заменик-министерот за култура, Седат Сулејмани, беа преземени конкретни чекори за промена на оваа ситуација и поддршка на уметниците и нашата култура. За таа цел, беше предложена значајна измена на Законот за култура во Собранието на Република Северна Македонија. Оваа измена предвидува уметниците да имаат договори на неопределено време, заменувајќи го актуелниот систем на привремени договори кои создадоа несигурност и тешкотии за нашите уметници.
Ова е голем чекор напред за поддршка на нашата култура и за создавање на поодржлива и поправедна средина за сите уметници. Коалицијата ВЛЕН уште еднаш го повикува обвинителството да има храброст и да се занимава со овој директор, кој покрај мобингот спроведен врз вработените, да провери дали има направено и други законски прекршувања. ВЛЕН ќе продолжи решително да работи за заштита и унапредување на културата и уметниците во Северна Македонија, се вели во соопштението.
