Владимир Максимовски – апсолутен победник Интернационалната олимпијада по информатика во Измир

Од:

Владимир Максимовски од Штип, ученик во училиштето „Јахја Кемал“ во Скопје е апсолутен победник на Интернационалната олимпијада по информатика што се одржува во турскиот град Измир од 17 до 21 јуни, соопшти Здружението на информатичари на Македонија.

Максимовски го освои првото место преку решавање на сите 10 задачи во рекордно време од 4 часа. Веќе следниот натпреварувач по него не успеа да ги совлада сите проблеми во предвиденото време од 5 часа.

Значаен успех постигнаа и останатите натпреварувачи од Македонија. Учениците Андреј Величковски и Јосиф Тепеѓозов се враќаат со сребрен медал, а Марко Чаласан, Илија Тавчиоски, Мартин Динев и Филип Даштевски со бронзени медали.

Учеството на најдобрите македонски средношколци-информатичари на олимпијадата во Изир е во организација на Здружението на информатичарите на Македонија. Тимот е предводен од д-р Миле Јованов и Владислав Бидиков од Факултетот за информатички науки и компјутерско инженерство (ФИНКИ), факултет кој редовно ги поддржува активностите на најдобрите информатичари.

Тренерите од Здружението на информатичари на Македонија очекуваат слични успеси и на другите натпреварите кои претстојат годинава: Балканската олимпијада по информатика во Кишињев на почетокот на јули и на Интернационалната олимпијада по информатика во Техеран на почетокот на август.

Натпреварувањето во Измир е наменето за земји од балканскиот регион и за земјите кои гравитираат околу Турција. Годинава покрај Македонија, учесници се националните тимови од Азербејџан, Туркменистан и Турција. Најдобрите македонски натпреварувачи се избираат преку целогодишен циклус натпревари организиран од Здружението на информатичарите, со поддршка на Агенцијата за млади и спорт на Македонија, МИОА, Факултетот за информатички науки и компјутерско инженерство (ФИНКИ) и општествено одговорните компании Телеком, Докстеам, Семос Едукација и Сорсикс. Натпреварите се одржуваат преку системот mendo.mk кој е достапен во текот на целата година за сите заинтересирани натпреварувачи.

Би можело да ве интересира

Приемен испит за новата Математичко-информатичка гимназија

Ана Ололовска

Почнува уписот на првачињата, 20-минутни паузи помеѓу термините за разговор со секое дете

Ана Ололовска

Од утре упис на првачиња во Аеродром според протокол

Ана Ололовска

ВИДЕО: Општина Центар со протокол за безбеден прием на првачиња

Ана Ололовска

Студентите ќе може да полагаат испити со физичко присуство доколку се почитуваат мерките

А1он

За образованието поддршка од 405 милиони денари од КОВИД-програмата

А1он