Владата утврди како ќе се менува и дополнува Законот за концесии и јавно приватно партнерство

Од:

Владата на денешната 87-ма седница на предлог на Министерството за економија го утврди текстот на Предлог-законот за изменување и дополнување на Законот за концесии и јавно приватно партнерство.

– Предложените измени и дополнувања се со цел продолжување на роковите на одредени концесии склучени во одредено време под одредени услови, а поврзано со реализацијата на мерките од Петтиот сет антикризни мерки на Владата за намалување на последиците од светската пандемија предизвикана од КОВИД-19, информира владината Прес-служба.

Владата го утврди и Предлог-законот за материјално обезбедување на невработените лица поради приватизацијата на претпријатијата со доминантна сопственост на државата, односно за стечајците.

– Со новите предлог-законски решенија предвидено е условот којшто се однесува на должината на работниот однос да биде 14 години, заклучно со 31.12.2020 година сé со цел да се обезбеди еднаквост на граѓаните при остварување на ова право на материјално обезбедување кое ќе го остварат уште најмалку 1.100 невработени лица, односно стечајци, се наведува во соопштението од владината седница.

Заедно со претходните законски решенија, вкупниот опфат на стечајци го оствариле или ќе го остварат правото за надомест во висина од 9.242,00 денари до нивното пензионирање, а ќе опфати близу 13.000 лица.

На оваа седница Владата ја разгледа и усвои Информацијата за Програмата на економски реформи 2022-2024 година и Економско – финансискиот дијалог помеѓу ЕУ и Западен Балкан и Турција.

– Дијалогот има за цел да им помогне на земјите опфатени со проширувањето на ЕУ да го зајакнат економскиот и социјалниот развој, како и да ги подготви земјите од Западен Балкан и Турција за идното учество во координирањето на економските политики на ЕУ. Според заклучоците од дијалогот Северна Македонија е предводник во спроведувањето на заедничките иницијативи во последните четири години. Оценката на Европската Комисија на Програмите за економски реформи 2021 – 2023 покажа дека земјата има највисок резултат од 61,1% реализирани заеднички заклучоци усвоени во мај 2020 година, споредено со земјите од Западен Балкан и Турција и тоа е највисок резултат постигнат од почетокот на процесот на подготовка на програмите за економски реформи, се додава во соопштението.

Би можело да ве интересира

На културно-уметничките настани во затворено се дозволува до 50% публика со две дози вакцина

А1он

Владата ја усвои информацијата за дигитално поврзување на Западен Балкан

Ана Ололовска

Ќе се бараат средства за пошумување на опожарените површини и набавка на возила за справување со пожари

А1он

Николовски: Владата ги усвои измените на шестте клучни закони за спроведување на процесот на дигитализација

А1он

Попишани се 1.768.710 граѓани, оние кои не оствариле контакт со попишувачите да се јават во пунктовите за попишување во општините

А1он

Ќе се воспостави мерит процедура за селекција и назначување членови на управни и надзорни одбори

А1он