Владата со итни мерки поради топлотниот бран

Од:

Министерството за здравство ја информираше владата дека, доби информација од Институтот за Јавно здравје и метео-алармот на Управата за хидрометеоролошки работи за појава на топлотен бран во траење од 2 дена и тоа во периодот од 12.8.2024 до 14.8.2024 година (понеделник, вторник и среда).

Територијата на целата држава ќе биде зафатена од високи температури од портокалова фаза и согласно Акциониот план на Министерството за здравство за превенирање на последиците од топлотните бранови врз здравјето на населението ќе се преземаат акции предвидени за ФАЗА 2 – ПОРТОКАЛОВО НИВО на топлотни бранови.

Согласно ова, Владата донесе дополнителни мерки за превенција, и тоа:

1. Oслободување од работни обврски за најралнивите групи на населениеето: бремените жени и лица на возраст над 60 години во периодот од 12.8.2024 до 14.8.2024 година (понеделник и вторник). Во истиот период, работодавачите да ги реорганизираат работните активности на градежните работници и на работниците кои работат на отворено, со тоа што ќе се избегне вршење градежни и други работни активности на отворено во периодот од 11 до 17 часот.

2. Со оглед на фактот дека одредени ризични производни и технолошки процеси може да претставуваат дополнителен ризик по здравјето на изложените работници, се потсетуваат работодавците на обврската за почитување на законските прописи од оваа област.

3. Во установите за згрижување на децата (градинки) да не се практикува физичка активност и да не ги изнесуваат децата на отворено во периодот од 11 до 17 часот.

4. Единиците на локалната самоуправа, Црвениот крст и Центрите за социјални работи во регионите зафатени со топлотниот бран да пружаат помош на осамени, стари, изнемоштени лица и бездомници.

Би можело да ве интересира

Владата ја усвои новата Стратегија за конфискација на незаконски стекнат имот

Ребалансот на буџетот треба да биде на владина седница најверојатно во четврток

Повредените и семејствата на починатите во трагедијата во Кочани не се сами, порача Владата

СДСМ: Цените растат, а Владата реши да ги покачи платите само на функционерите

Горан Наумовски

Владата не го чепка сопствениот луксуз, ама зема од најранливите, велат од Левица

Горан Наумовски

Митева: Кабинетот на премиерот е во континуирана комуникација со семејствата на настраданите во пожарот во Кочани

А1он