Владата објави низа кадровски решенија, Мухамед Зеќири именуван во Советот за реформа на јавната администрација

Од:

Согласно предлогот на владината комисија за кадровски прашања, Владата на денешната седница го отповика Марко Ѓоргиевски од должноста независен и неизвршен член на Одборот на директори на Акционерското друштво за вршење на енергетски дејност и Национални енергетски ресурси Скопје во државна сопственост.

Генералниот секретар на Владата, Мухамед Зеќири, на владината седница е именуван за член на Советот за реформа на јавната администрација, на местото на Драги Рашковски.

На седницата, соопштија од владиниот Сектор за односи со јавноста, Владата се информирала за оставката на Дарио Николовски од должноста директор на Државниот студентски дом „Скопје“ во Скопје и заклучила да му препорача на Управниот одбор на Државниот студентски дом „Скопје“ во Скопје, за вршител на должноста директор на Државниот студентски дом „Скопје“, да го именува Виктор Велевски.

– Владата ја прифати информацијата на Управниот одбор на Националната агенција за европски образовни програми и мобилност за именување на Марко Ѓоргиевски за в.д. директор на Националната агенција за европски образовни програми и мобилност за време до изборот на директор, а најдолго за шест месеци, се наведува во соопштението.

На негово барање, д-р Дарко Данев, е разрешен од должноста член на Совет на Институтот за акредитација на Република Северна Македонија – Скопје како претставник од универзитетите.

Владата на седницата го разреши Зоран Стојановски, исто на негово барање од должноста директор на Воспитно поправен дом Тетово, а Даниел Антовски е именуван за вршител на должност директор на Воспитно поправен дом Тетово.

Би можело да ве интересира

Тошковски: Под контрола се пожарите во Дојран, Николиќ, Крива Паланка, Орман, Волково и во Самоков

Горан Наумовски

Мицевски: Владата има луѓе, има механизација сега и се справува со сите можни и неможни позиции коишто ги има

Во Владата вечерва ќе заседава кризниот штаб поради состојбата со пожарите во земјава

Поради пожарите: Владата прогласи кризна состојба од 30 дена

Мицкоски: Владата го усвои Предлог законот за соодветна и правична застапеност

Горан Наумовски

ВМРО-ДПМНЕ и партнерите ќе одбележат една година власт пред платото на Владата