Од Владата на Република Македонија информираат дека ја почитуваат одлуката на весникот „Заман“ да се откаже од поддршката која му беше доделена во рамките на Програмата за поддршка на печатените медиуми.
– Владата на Република Македонија ја почитува одлуката на весникот „Заман“ да се откаже од поддршката која беше доделена на овој медиум во рамките на Програмата за поддршка на печатените медиуми и понатаму останува на својата цврста определба за почитување и поддршка на слободата на медиумите и слободата на изразување на граѓаните, се наведува во соопштението од владината прес-служба.
Весникот „Заман Македонија“ претходно информира дека доброволно и неповратно се откажува од поддршката, по негативните реакции од амбасадата на Турција, откако во рамки на владината програма за поддршка за трошоците за печање и за дистрибуција, врз основа на фактури за 2017 година, на „Заман Македонија“ Владата му исплати 903.092 денари.