Владата ја оцени како недостојна изјавата на Каракачанов дека ќе прати војници да ги отстранат спомениците

Од:

Владата ги осуди изјавите на бугарскиот министер за одбрана, Красимир Каракачанов дека би можел да испрати инженерски полк за демонтирање споменици во земјава на кои пишува „бугарски фашистички окупатори“.

Портпаролот на Владата, Душко Арсовски, изјавите ги оцени како недостојни и недолични, коментирајќи дека претставници на две земји-членки на НАТО не може да комуницираат на ваков начин меѓусебе.

„Веруваме во решенија и убедени сме дека земја сосед која прва ја призна независноста и беше промотор на патот на интеграцијата кон НАТО и ЕУ нема да помисли да го оспорува правото на идентитетско самоопределување на пријателскиот македонски народ. Може само да изразиме оптимизам дека тоа не е став на мнозинството граѓани и на академската заедница во Бугарија“, рече Арсовски.

Запрашан дали Владата размислува да испрати протестна нота до Бугарија, Арсовски одговори дека засега нема нешто такво, но ако има дополнително ќе информираат.

Претходно денеска и министерката за одбрана, Радмила Шекеринска ја коментираше изјавата на Каракачанов. Таа рече дека поминало времето кога министри за одбрана од нашиот регион можеле да даваат такви изјави, а некој да ги смета за сериозни.

„Бугарија е членка на НАТО, и ние сме членка на НАТО, и ова не е начин на кој комуницираат или треба да комуницираат членки на алијансата. Ние ќе продолжиме да ги испраќаме истите пораки кои сме ги испраќале минатите години. Нашите граѓани нè плаќаат и очекуваат да им обезбедиме безбедност, а таа безбедност зависи од добрососедските односи“, рече Шеќеринска.

Би можело да ве интересира

Лекорни ја избра својата нова „екипа“

Владата го раскина договорот за концесија на каменоломот во Страчинци

Муртезани: Кај премиерот и Владата постои сериозна одлучност за надминување на спорот со Софија по изборите

Катерина Ѓуровски

Владата на САД е блокирана за прв пат по речиси седум години

Горан Наумовски

Уставните измени до 10 февруари, да не се прифаќаат дополнтелни барања од Бугарија – Филипче ја објави Резолузијата со црвените линии

Катерина Ѓуровски

Владата уште еднаш ја потврди својата дискриминаторска политика кон Албанците, велат од ДУИ

Горан Наумовски