Владата на денешната седница ја усвоила информацијата за заклучокот на Министерството за здравство и Комисијата за заразни болести според која одредени категории граѓани и понатаму остануваат ослободени од работа.
Со одлуката, хронично болните лица и родителите кои што имаат деца до 10-годишна возраст или активно четврто одделение, потоа бремените жени, самохраните родители, родителите на деца со попреченост кои што ја користат услугата дневен центар, како и лицата кои што на работа одат со придружба-потполно слепи лица, лица кои се движат со инвалидска количка и лица со умерена и тешка интелектуална попреченост, кои што претходно беа ослободени, остануваат безусловно и понатаму ослободени од работа, со можност, доколку е тоа остварливо, да ги извршуваат работните задачи од дома.
Одлуката е донесена на барање на Министерството за труд и социјална политика.