Колективниот договор кој го имаат потпишано културните работници е на сила, и Владата има обезбедено финансиски средства во Буџетот, одговори премиерот Оливер Спасовски, на новинарското прашање дали тој чувствува одговорност што три илјади културни работници немаат плата.
„Тоа што не е направено во рамките на културните институции е одговорност на секој раководител на тие културни институции“, рече Спасовски.
Според него требало навремено да се преземат мерки за да се имплементираат договорите.
„Владата ги создаде сите услови за да културните работници можат да го имплементираат тој договор“, рече Спасовски.