Владата го скрати работното време на кафеаните и наложи целата администрација да работи онлајн или во смени

Од:

Владата на Република Северна Македонија на денешната 13-та седница ги разгледа и прифати препораките на Комисијата за заразни болести да се ограничи работно време на сите угостителски објекти до 23 часот, освен оние што вршат испорака, како и да се ограничи капацитетот на патници во возилата на јавниот превоз на 50% од вкупниот број на патници предвидени во едно возило.

Владата денеска ја прифати и препораката во целата државна и јавна администрација, општините и судовите, согласно принципот на работа и работниот процес, организирањето на работата да се одвива во смени или онлајн од дома или, пак редуцирано со систем на ротации, зависно од карактеристиките на работниот процес на институциите, се вели во владиното соопштение.

На оваа седница Владата ја прифати препораката на Комисијата да се одложи атлетската трка „23 Oктомври“ во Скопје, како и да остане забраната за присуство на публика на спортските натпревари кои ги организира Ракометната федерација и другите спортски федерации, кои претходно бараа оваа забрана да биде укината.

Врз основа на мислењето на Комисијата за заразни болести, Владата го одобри Протоколот за постапување при полагање на стручен испит за наставници и стручни соработници во тек на пандемијата со КОВИД-19.

На денешната седница Владата го утврди Предлог-закон за изменување и дополнување на Законот за градење со кој се предвидува изградба на посебен вид на градби односно модуларни градби за здравствена дејност, чија изградба е финансирана со средства од Буџетот на Република Северна Македонија или со средства од Европската Унија односно друга меѓународна организација, заради зголемување на ефикасноста на здравствениот систем при справувањето со коронавирусот КОВИД-19.

Би можело да ве интересира

Пандов за „А1он“: Некој јави дека политичар седи во кафеаната, ќе си ја платам казната

Кривични пријави за осум лица кои на граница покажале фалсификувани ПЦР-тестови

721 нов случај на Ковид-19, починати се седум лица

Опозицијата обвинува за вратен аванс од кинеската компанија, власта нема конкретен термин за доаѓањето на вакцините

Запечатена кафеаната во Стајковци која по работното време ги угости  Неделковски, Пандов и Панчевски

Маја Илиевска-Пачемска

Полицијата упадна во дом на струмичанец кој си правел забава со 11 пријатели