Владата денеска на седница донесе одлука за едностран прекин на договорот за државна помош со Друштвото за производство на електрична и топлинска енергија ТЕ-ТО АД Скопје.
– Владата на Република Северна Македонија ја разгледа и усвои Информацијата за потребата од раскинување на Договорот за доделување на државна помош, и на Анексот на Договорот за доделување на државна помош, склучени помеѓу Владата на Република Северна Македонија и Друштвото за производство на електрична и топлинска енергија ТЕ-ТО АД СКОПЈЕ, и донесе Одлука за едностран раскин на овие договори заради фактот дека не се постигна согласност за создавање правна основа за оваа државна помош, соопшти попладнево Владата.
Согласно одлуката, ТЕ-ТО е должно да го плати долгот кон УЈП, а доколку во рамки на законот постои можност и се постигне договор, тогаш долгот да се плати на рати.
Потегот на Владата доаѓа откако Антикорупциската комисија укажа дека процедурата во која била доделена државната помош за приватната компанија во вид на одложување на отплата на долгот кон УЈП.