Владата го прифати Меморандумот за разбирање за развој на железничкото поврзување „Скопје-Софија“

Од:

Владата на Република Северна Македонија на денешната 6-та седница, го разгледа и прифати усогласениот Текст на Меморандум за разбирање за развој на железничко поврзување меѓу Република Северна Македонија и Република Бугарија „Скопје-Софија“.

dobivaj vesti na viber

Меморандумот меѓу Република Северна Македонија и Република Бугарија, претставени од министерствата за транспорт и врски на двете земји, се очекува да биде потпишан за време на заедничката седница на двете Влади, која ќе се одржи на 25.01.2022 година во Софија.

Со документот се изразува согласност за формирање на заедничка Работна група составена од експерти со соодветен професионален капацитет и експертиза во области како што се управување со проекти, европско и меѓународно право, инженерство и управување со финансии, со цел да се забрза процесот на подготвителните и имплементационите активности за Проектот.

Меморандумот е подготвен имајќи го предвид развојот на добрососедските односи меѓу двете земји, како и потребата од зајакнување на економските и трговските активности и ја истакнува заедничката цел за развој на „Проектот за железничко поврзување Скопје-Софија“, кој е од заеднички и регионален интерес и има значително стратешко и економско значење за граѓаните и економиите на двете држави.

Согласно Меморандумот, Работната група ќе се состанува најмалку четири пати годишно на експертско ниво за да работи на напредокот на спроведувањето на проектот.

Би можело да ве интересира

ЕУ е во заложништво, Радев провоцира, Македонија има шанса која нема да постои во наредните години, Османи ја искритикува Бугарија

Кристијан Ландов

Петков: Очекувам во следниот период Македонија да направи некаков вид институција при тамошната Влада за правата на Бугарите

Катерина Павлова-Николовска

Ковачевски: Настанот во Битола е провокација

Катерина Павлова-Николовска

Каевски: Државноста е изградена на антифашистичката борба, ВМРО-ДПМНЕ се обидуваше да ја ретушира историјата

Ковачевски: Нема тајно преговарање ниту таен договор со Бугарија

Катерина Павлова-Николовска

Османи: Од Македонија имало јавувања и лобирања во Бугарија за да не се реши спорот

Катерина Павлова-Николовска