Влада: Со преземената одговорност се отвораат вратите за НАТО и ЕУ

Од:

„Граѓаните на Република Македонија, преку нивните претставници во Собранието, вечерва, со прифаќањето на уставните измени, напишаа ново, историско поглавје на нашата државност.

Тоа е чин кој оддава државничка одговорност и силен патриотизам зашто ги прави апсолутно остварливи двата најголеми државни интереси – членството во НАТО и ЕУ. Пратениците, имајќи го предвид врвниот интерес на граѓаните, гласаа за договор кој овозможува меѓународно интегрирање и признавање на нашата земја како суверена држава, со целосно потврдување на идентитетските посебности на Македонците и на сите граѓани на земјата.

Остварувањето на овие придобивки дојде преку прецизирање на името на нашата држава со географската одредница – Република Северна Македонија.

При тоа, македонскиот јазик ќе биде меѓународно признат во сите сојузи. Нашата химна, нашето знаме – остануваат исти и заштитени. Нашето државјанство ќе биде македонско/граѓани на Република Северна Македонија.

Денеска отворивме нова, светла перспективна иднина за сите граѓани на нашата земја, за доброто на нашите деца. За мирна, безбедна земја, каде што Македонците, Албанците, Турците, Власите, Србите, Ромите, Бошњаците и сите други етнички заедници ќе живеат подобар и просперитетен живот.

Владата на Република Македонија изразува благодарност до сите граѓани и до сите поддржувачи и партнери на земјата, за големата и значајна поддршка низ целиот процес на прифаќање на Договорот од Преспа, со кој се обезбедува иднината на државата како рамноправна членка на НАТО и ЕУ“ се вели во соопштението на Владата на Република Македонија.

Би можело да ве интересира

Владата го донесе вториот пакет економски мерки за справување со кризата

А1он

Дополнителна поддршка за економијата од осум милиони евра за обртни средства и 50 милиони за заштита на ликвидноста

А1он

Финансиска поддршка за приватните фирми за исплата на плати од 14.500 денари за април и мај

А1он

Работниците кои ќе останат без работа поради кризата ќе добиваат надомест од државата согласно нивниот стаж

А1он

ВИДЕО: Извршителите не смеат да наплаќаат до јуни, а наплатата на кириите за станови се одложуваат

Кристијан Ландов

Спасовски: Мерките што ги носиме се во насока на заштита на здравјето и егзистенцијата на граѓаните и фирмите

Ана Ололовска