Влада: Продолжуваме да создаваме услови за уште подобри рангирања во „Репортери без граници“

Од:

Владата попладнево преку соопштение информира дека ги зема предвид укажувањата на „Репортери без граници“ и најавува дека во соработка со медиумските организации и медиумите, ќе продолжи да создава услови за натамошни подобрувања и повисоки рангирања на Светската листа на слободата на медиумите.

– Владата на Република Северна Македонија, како и до сега, сите следни чекори за медиумски реформи ќе ги носи во широка консултација со медиумските експерти од медиумската сфера, се наведува во соопштението од владината прес- служба.

Од Владата посочуваат дека во извештајот е наведено оти повисокото место на земјава на Светската листа на слободата на медиумите е резултат на самоорганизирањето на медиумските организации кои го донеле Регистарот на професионални онлајн-медиуми, како и на напредокот во однос на условите за работа утврдени во Повелбата за услови за работа за новинарите и нацрт фер-договорите за вработување во дигиталните медиуми промовирани од Независниот синдикат на македонски новинари и медиумски работници (ССНМ) во соработка со ЗНМ и СЕММ.

Во однос на забелешките за реформите во националниот радио-телевизиски сервис, од Владата посочуваат дека реформите не се реализирани поради блокадите од страна на ВМРО-ДПМНЕ во Парламентот, а во однос на толкувањата за владиното рекламирање потенцираат дека уште во 2017 година е целосно стопирано владиното рекламирање што претходната власт го користела за влијание врз медиумите.

Би можело да ве интересира

Гаши: Мнозинството останува стабилно, Владата и парламентарното мнозинство ќе работат со полн капацитет

(ВИДЕО) Филипче: Историски се задолжуваме за шест милијарди евра, Владата крие детали

Касами е категоричен дека нема преговори за рокади со министерствата

Разрешница за промените во Владата по заминувањето на Таравари ќе има следната недела

Нема да има реконструкција на Владата, ќе има смена на министри

Катерина Ѓуровски

Делегациите на оваа власт сѐ повеќе наликуваат на свадбени патувања со државна логистика, Левица реагира на владината посета на Јапонија