Унгарската нискобуџетна авиокомпанија „Визер“, од 9 март ја укинува линијата Скопје – Будимпешта. Од јануари годинава, авиокомпанијата веќе престана да лета за Салцбург и Бремен, а ги укина и летовите за Келн, Копенхаген и Стокхолм-Скавста.
Од компанијата не ги објавија причините за укинувањето на линијата.
„Визер“ доби субвенции од Владата за нови летови до Лион, Барселона и Штутгарт. Оваа компанија во моментов држи речиси 60 проценти од целиот авиосообраќај на двата македонски аеродрома.