Вирусот се шири преку големи собири и прослави, покажуваат анкетите, кластерите тешко се лоцираат

Од:

Коронавирусот главно се шири на големи собири и прослави, каде што луѓето седат без заштитна маска и не ги почитуваат мерките, покажуваат епидемиолошките анкети, вели Бесим Зекири, директор на Центарот за јавно здравје – Скопје за „А1он“. Кластерите тешко се лоцираат во услови кога има енормни бројки на новозаразени, вели доктор Зекири, и додава дека епидемиолошките анкети помагаат ако се спроведуваат навреме.

„Начинот на ширење главно е на големи собири, прослави, места каде што луѓето се изложуваат без заштитна маска и не се внимава на другите мерки за заштита. Тешко е да се одредат кластерите во услови на енормни бројки на новозаболени, но главните кластери се во семејствата и работните организации. Епидемиолозите веќе долго време работат прекувремено и за викенди, но и покрај тоа, анкетирањето се одвива со задоцнување. Анкетите, пак, помагаат доколку се спроведуваат навреме, а со тоа се изолираат заразените и контактите“, вели директорот Зекири за „А1он“.

Тој вели дека зајакнување на капацитетите е потребно, но е невозможно поради тоа што се потребни специјалисти, односно епидемиолози. На дневно ниво Центарот за јавно здравје – Скопје постигнува да направи 60 анкети иако изминативе месеци секојдневно бројот на новозаразени се движи речиси по 500 лица.

„Постои загриженост кај епидемиолозите поради високите бројки и ние секојдневно апелираме на почитување на мерките, кои ако би се почитувале, ситуацијата би била многу подобра. Сè уште има случаи што ги кријат контактите, како и погрешни броеви и адреси. Инаку, лицата секогаш одговараат на повиците“, додава директорот Зекири.

Според него, додека болниците имаат доволни капацитети, може да се каже дека ситуацијата е под контрола.

Би можело да ве интересира

35-годишен пациент од Скопје почина од Ковид-19

Ана Ололовска

На инфективните одделенија во земјава се лекуваат 584 пациенти, слободни кревети има

Ана Ололовска

347 нови случаи на Ковид-19, починати се 11 лицa

Ана Ололовска

407 санкции за неносење маска

Ана Ололовска

Во ковид центрите во Скопје за 24 часа се хоспитализирани 20 пациенти

Ана Ололовска

Вакцинацијата не треба да биде трка меѓу земјите, ЕУ ќе обезбеди вакцини за Западен Балкан најбрзо што може, вели евроамбасадорот Гир

Ана Ололовска