Судскиот совет, за вршител на должноста претседател на Управниот суд ја назначи Виолета Богоевска, досегашен заменик претседател на Управниот суд.
Претседателката на Судскиот совет на Република Македонија Александра Зафировска за МИА потврди дека Судскиот совет денеска ја констатирал оставката на претседателот на Управен суд, Исамедин Лимани, која била доставена вчера околу 18 часот. Лимани, вчера, самиот побарал разрешување од функцијата.
Напуштањето на функцијата од страна на Исамедин Лимани дојде откако на вчерашната седница на Управниот суд со гласање на судиите беа прифатени поголем број тужби за гласањето во Струга и во Центар.