Поради изградба на фекална канализација до населеното место Сопиште и локалитетот Сончев град, денеска и утре сообраќајот на булеварот „Србија“ ќе се се регулира со времена измена на режимот.
Како што соопшти Град Скопје, времено ќе биде изменет режимот на движење на булеварот „Србија“ кај влезно-излезната улица на бензинската пумпа Макпетрол, којашто се наоѓа на десната страна на булеварот „Србија“ во насока кон булеварот „Јане Сандански“.
Учесниците во сообраќајот треба да ја почитуваат времено поставената сигнализација и да го приспособат возењето согласно со времената измена.