Форумот на жени и локалниот клуб на млади на СДСМ од Куманово денеска на Градскиот плоштад со закачување на портокалови панделки се приклучија кон глобалната акција за стопирање на насилството врз жените.
Координаторката на Форумот на жени на СДСМ од Куманово, Атина Мургашанска наведе дека со закачување на портокалова панделка, која е симбол на годинешнава борба и активизмот за правата на жените се приклучуваат во оваа акција.
-Во светските статистики за жал се уште една од секои три жени е жртва на каков било облик на насилство, дали е физичко, сексуално, економско, психолошко. СДСМ како прогресивна, демократска и лева партија постојано со родовиот концепт во своите политики се залага за еднаков третман на жените, за еднаква позиција во општеството и апелира секој поединец, семејство, општествените институции, особено државните да заземат што поактивна улога во спречување на насилството-наведе таа.
Мургашанска ја повика централната власт предводена од ВМРО ДПМНЕ да апелира до институциите кои што се под нејзина надлежност, за да се стави крај на насилството и да не се случуваат немили појави, како што се случи неодамна во Општината Кавадарци.
Е. Г.