Околу 2.000 членови и симпатизери на СДСМ и граѓани на Куманово денеска учествуваа во Црвен ноемврски марш, кој што се одржа по повод 70 години слободно Куманово.
Маршот кој што го организираше општинската организација на СДСМ Куманово, е со цел да им се одаде почит на борците, кои што се избориле за слободата.
Претседателот на СДСМ Куманово, Мартин Костовски наведе дека на овој начин сакаат да го честитаат празникот 11-ти ноември, Денот на ослободување на Куманово.
Инаку маршот се одржа под мотото „Победи го стравот за да не ја изгубиш и гордоста“, а истиот започна во 13 часот од пред зградата на поранешен Комитет.
Е. Г.