Хирургот Нацев, на денешниот протест рече дека знае што е операција, и да не се оперира на време.
„Знам што значи да се изгуби детенце. Се прашувам какви се тие луѓе без трунка морална и човечка одговорност, без одговорност која му ја дава народот. Одете се, одете си , оди си Тодоров“, рече Нацев.
Некогаш, посочи, здравството беше здравство, ова сега не личи на ништо. Реформите за обичниот народ се лавиринти, а тие одат во странство.
„Народот ќе страда се додека има вакви на власт.Не е виновно само едно министерство, туку целата Влада. Ако нема морал еден министер, нема морал целата Влада. Борбата е тешка, ако се глуви на вакви жртви, на деца, на настаните во Куманово каде загинаа наши полицајци и тоа беше монтажа. Мораме да го кренеме гласот и да кажеме-Доста е“, рече доктор Нацев.
