ВИДЕО: „Знамето“ отстрането од спотот, во ново видео Гарванлиев вели: „Јас сум државјанин и на Бугарија“

Од:

Во интервју за „Wiwibloggs“, евровизиски канал на „Јутуб“, македонскиот претставник на Евровизија, Васил Гарванлиев, кажа дека освен македонско, има и бугарско државјанство. Во моментот кога водителот му вели: „Вие сте државјанин на Македонија, и…“, Гарванлиев продолжува и вели: „и Бугарија…“.

Во интервјуто, водителот го прашува: „Па, како имате бугарски пасош?“, а Гарванлиев одговара: „Далечен роднина на мојата баба е роден… Струмица е многу блиску до бугарската граница, јас сум од тој дел на државата, па ете како“.

Интервјуто со Гарванлиев е објавено пред еден месец, односно на почетокот од февруари.

Претходно, поради негативните реакции, Гарванлиев го промени и спотот, во кои некои препознаа бугарско знаме во делото на уметницата Жанета Вангели, кое е поставено во Националната галерија Даут Пашин Амам. Евровизискиот претставник на Македонија, Гарванлиев, објасни дека тој повеќе од 20 години пее и ја претставува Македонија и тоа така ќе остане.

Гарванлиев по вторпат ја претставува Македонија на Евровизија, овојпат, со песната „Here I stand“.

Би можело да ве интересира

(ВИДЕО) Шведска на Евровизија ја претставуваат Финците кои пеат за сауни

МРТ одлучи Андреа да настапи, од следната година може да не учествуваме на Евровизија

Катерина Ѓуровски

„Одма на бесилка“, „Козо“, „Овцо“ – јавноста со закани и вулгарности кон Андреа, професорот Калајџиев смета дека сите се јаки патриоти на прсти

Кристијан Ландов

(ВИДЕО) Андреа се извини за знамето: Не беше од омраза, се гордеам од каде доаѓам

Предраг Петровиќ

Преку онлајн петиција се бара Гарванлиев да не ја претставува Македонија на Евросонг

Искра Манојлоска

Променет македонскиот евровизиски спот, отстранет кадарот со сликата која наликуваше на бугарското знаме

Кристијан Ландов