Петре Шилегов е олицетворение на целата некултура на СДСМ. Деновиве Шилегов од позиција на градоначалник на град Скопје јавно искажа говор на омраза и нетолерантност кон партијата ВМРО-ДПМНЕ и нејзиното членство, истакна Јелена Жугиќ од ВМРО-ДПМНЕ на денешната прес-конфренција.
„Нервозата на Шилегов е очигледна, но навредите нема да ја сокријат неговата неработа и неспособност да ги решава проблемите на скопјани.
Од тоа што Шилегов не е веќе потпретседател на СДСМ, скопјани не добиваат апсолутно ништо. За да му тргне на Скопје, Шилегов треба да си поднесе оставка од градоначалник.
Поистоветувањето на ВМРО-ДПМНЕ со зборовите простотилук и фашизам, се тешки квалификации за кои Шилегов мора да се извини, ова е последно предупредување пред поведување на постапка против него пред надлежните институции.
Скопје година и 7 месеци не виде ниту еден проект, ниту инвестиција. Во Скопје година и 7 месеци не се гради ама баш ништо. Шилегов е најнеспособниот градоначалник на Скопје, единствено што знае и прави е ширење на говор на омраза.
На скопјани им е преку глава од примитивизмот на Шилегов. Очигледно е дека освен говор на омраза и навреди Шилегов не знае за друго. Токму затоа наместо да се нарекува градоначалник и да не знае што прави треба да си поднесе оставка од градоначалничката функција и тоа час поскоро.
Шилегов треба да си поднесе оставка затоа што и во неговата партија велат дека тој е неспособен. Не може Шилегов да е неспособен за партијата, а да е добар за град Скопје.
Скопјани се незадоволни од работата на градоначалникот Шилегов, а не од потпретседателот на СДСМ, токму затоа оставка мора да поднесе оставка и тоа веднаш.“, заклучи Жукиќ.