(ВИДЕО) Живковиќ: Изградбата на новите 5 градинки обезбедува простор за дополнителни 760 деца

Од:

„Како одговорна партија преку бројни мерки и политики покажуваме дека вистински се залагаме за подобар живот на сите граѓани.

Детската заштита и грижата за најмладите остануваат главни приоритети на кои посветено и во континуитет работиме.

Потпишани се договори за изградба на 5 нови градинки во општините Струмица, Ѓорче Петров, Крива Паланка, Боговиње и Ресен“, рече Милан Живковиќ, претседател на Комисија за труд и социјална политика на СДСМ.

„За оваа намена обезбедени се 228 милиони денари или 3.7 милиони евра. Со изградбата на новите градинки капацитетите ќе се зголемат за дополнителни 760 деца. Се повеќе деца вклучуваме во предучилишната грижа и воспитување.

Денес, детската заштита е подигната на многу повисоко ниво. Потврда за тоа е за 300 отсто зголемениот буџет на Министерството за труд и социјална политика за оваа година наменет за нови градинки и подобрување на квалитетот на предучилишното образование.

Истовремено, покрај инвестирањето во нови градинки, се инвестира и во човечките ресурси во градинките. Преку зголемување на платите и јакнење на компетенциите на кадарот во градинките градиме вистински квалитетно предучилишно образование.

Со изградба на нови објекти, се креираат дополнителни 7.500 места во установите за згрижување и воспитание на деца и со тоа се зголемува опфатот на децата од 3-6 години на 50 отсто.

Грижата за најмладите и обезбедување на услови за згрижување и воспитување на децата, е правиот пат. Продолжуваме и понатаму вистински да се грижиме за сите граѓани!“, изјави Милан Живковиќ, претседател на Комисија за труд и социјална политика на СДСМ.

Би можело да ве интересира

(ВИДЕО) Костадинов: За хидроцентралите на Мицкоски предмет отвори ДКСК, фирми должат данок, што сака да сокрие?

Ана Ололовска

(ВИДЕО) Прентовиќ: Искористеноста на ИПАРД помошта достигнува 50 отсто

Ана Ололовска

СДСМ: Исполнето е ветувањето за укинување на квотите за лекови, здравството е на прав пат

Ана Ололовска

Заев: Мицкоски мисли дека со продажба на уделот ќе ги сокрие трагите во хидроцентралите

(ВИДЕО) Васев: Што Мицкоски не сака да се открие за неговите хидроцентрали?

СДСМ: Обезбедени 10 милиони евра за субвенционирање на 10.000 семејства за набавка на инвертори

Ана Ололовска