Жителите на Центар револтирани излегоа од своите станови во зградите спроти стариот Цветен пазар и не дозволија денеска да се огради паркинг просторот за за се изгради 29-метарска гаража.
Тие велат дека имаат платено за овој простор кога ги купиле становите, но општина Центар веќе го има продадено земјиштето на лицитација на новиот инвеститор.
„Овде сакаат да направат нов Кинески ѕид“, велат револтираните граѓани за А1он.
Сопственикот и инвеститор на гаражата им најавил на граѓаните дека друг ден со асистенција на полиција ќе дојде да постави ограда и да почне се градење.
Граѓаните велат дека нема да го дозволат ова и бараат стручно мислење од урбанисти бидејќи некои од нив велат дека зградите и паркингот се изградени на нивни парцели. Тие најавија дека ако треба и ќе дежураат и нема да дозволат да им се одземе местото.
Катерина Цаневска Арсовска