Кандидатот за градоначалник на Центар на Сојузот за иднина, Андреј Жерновски најави дека ќе поднесе тужби за клевета против телевизија Сител и весникот Вечер поради како што кажа лагите за неговата имотна состојба.
„Сакам јасно да кажам за написите кои ги пишува во весникот Вечер и тоа што беше кажано на Сител ќе покренам тужба. Немам намера на такво ниво да разговарам ниту со уредникот на Сител ниту со новинарката. Нема никакви вистини ниту со становите ниту за некаква соработка со градежна фирма.
– Овие два стана што ги наведоа Сител и Вечер, е всушност еден ист стан, наследство од мојот дедо. Но, двата стана имаат различна адреса бидејќи улицата Петар Драпшин се преименува во Маршал Тито, па помислиле веројатно дека се работи за два стана“, рече Жерновски.
Ги упати и новинарите и противкандидатите доколку сакаат да најдам афера за него да бараат и да чепкаат и во имотот и во минатото, но рече, нема да можат ништо да најдат.
„Јас не сум ниту Аларова, а уште помалку Тодоровиќ“, рече Жерновски.
Катерина Цаневска Арсовска