Андреј Жерновски, ветува во недела ќе биде финале на изборниот маратон во Центар. Укажа на невидениот скандал со вметнатите гласачи од Пустец
„Го повикувам ВМРО-ДПМНЕ да се откаже од проектот Пустец. Сите сакаме позитивен извештај од Брисел и затоа ни требаат фер избори. А изборниот процес го компромитира и ова со Пустец“, рече Жерновски.
Посочи дека неговиот против кандидат Владимир Тодоровиќ го нема од политичката сцена 12 дена.
„Дознавме и се израдувавме дека Тодоровиќ, за денеска закажал прес конференција, но веднаш потоа ја откажал. Ова е крајно некоректен потег. Ваков градоначалник не заслужува Центар. Заслужуваат фер трка во која ќе победи подобриот“, рече Жерновски.
Ги замоли жителите на Центар масовно да излезат на гласање во недела и да ја потврдат вољата на граѓаните.
Катерина Цаневска Арсовска
