На улица „Максим Горки“ каде што веќе имаше фантомски гласачи од Мала Преспа, вметнати се и граѓани од Република Македонија. Нови гласачи има од Прилеп, Гази Баба, Аеродром, Кавадарци, Свети Николе, Гевгелија, Кисела Вода, Гостивар, Бутел, Ѓорче Петров, Драчево и Чашка.
Како место на живеење им е посочена истата адреса каде веќе беа сместени новите жители со лични карти од Албанија. Во еден од становите имаше 60 жители од Мала Преспа.
Ново-доселени, со нови лични карти за гласање во вториот круг во општина Центар има сместено и во одзмениот стан на Ѓунер Исмаил од Јавното претпријатие за стопанисување со станбен и деловен простор.
„И покрај фантомските гласачи во првиот круг, тие не победија. Ги канам жители на Центар на општа мобилизација. Вистинстите жители на Центар, а не од други држави и градови да го изберат градоначалникот на Центар.
– Ако сум јас шарлатан, како што ме обвинува Тодоровиќ, кој победи во првиот круг, што е Тодоровиќ, праша Жерновски.
Ако рекол дека има три стана , тогаш и Тодоровиќ ќе треба да се брани на суд.
Жерновски бара средба со министерката Јанкуловска за да и ги покаже овие списоци,и да ја праша дали ќе дозволи гласање на овие луѓе.
„И покрај ова ние ќе победиме во вториот круг“, рече Жерновски.
Катерина Цаневска Арсовска