Полициски час во центарот на Скопје. Ова за градоначалникот на општина Центар Андреј Жерновски е одлика на полициски држави. Акцијата на полицијата во утринските часови и апсењето на паркобраните, советник и директорот на ПОЦ Центар не врати во времиња за кои мислевме дека се минато, вели Жерновски.
„Двесте специјалци на 10 лица кои го бране паркот пред хотелот Бристол е доказ дека имаме работа со тоталитарна власт“.Ова се случуваше во утринските часови, во исто време кога се носеше ДУП-от кој го овозможи уништувањето на зеленилото и никнувањето на барокна зграда, и во исто време кога се сечеа дрвјата позади Бристол“, рече Жерновски.
Посочи дека продолжуваат и тој и Советот во битката во интерес на граѓаните.
Бојан Стојановски
